香港雖然滿佈高樓大廈，不過各區都有不同的草地，供大家假日時野餐hea一日。今次記者推介全港17個靚景野餐地，總有一個喺你附近呀！

按連結跳至

港島區

新界區

九龍區

港島區

野餐好去處｜1. 山頂公園！歐陸式寧靜野餐地

中環山頂公園，讓你身在香港也能以維多利亞時期的歐陸建築作背景，踏在綠柔柔的大草坡上野餐放空，再站到藍白小屋前拍照，輕輕滿足想去歐洲度假的慾望。

一邊在草地上野餐，再去到涼亭乘涼，夠舒服！（圖片來源：新假期編輯部）

野餐時跟閨密們影靚相，山頂公園歐陸景一流呀！（圖片來源：新假期編輯部）

更可以幫閨密影靚相！咔嚓！（圖片來源：新假期編輯部）

山頂公園

地址

香港島太平山頂

前往方法

中環交易廣場巴士站，乘搭15號巴士，到達凌霄閣再步行30分鐘

開放時間

24小時

野餐好去處｜2.添馬公園！大草地任踩唔嬲

香港人最愁就係土地問題，但係位處市區黃金地段嘅添馬公園就有一大片草地，坐得攤得連做瑜珈都得，唔搵埋朋友一齊嚟野餐吹水真係嘥晒，日落夜景一流，可以由朝玩到晚。添馬公園24小時免費開放予公眾，唔好嘥咗呢個咁珍貴嘅空間，趁呢幾日天氣咁好，搵埋一大班朋友去添馬公園啦！

（圖片來源：新假期編輯部）

（圖片來源：新假期編輯部）

添馬公園

地址

金鐘夏愨道

前往方法

乘搭港鐵至金鐘站，由A出口步行約5分鐘即達

開放時間

24小時

野餐好去處｜3. 中山紀念公園！

中山紀念公園位於海邊，飽覽海景，不過草地範圍唔大，一眼睇晒。呢度唔止係公園咁簡單，附近亦有足球場、籃球場同體育館，夠晒多元化。

（圖片來源：新假期編輯部）

中山紀念公園

地址

香港西營盤東邊街北

前往方法

上環港鐵站步行大約10分鐵，亦有多架巴士途經。

開放時間

24小時

九龍區

野餐好去處｜4. 西九海濱長廊！

位於海邊嘅西九海濱長廊，最大嘅賣點就係無敵大海景，吹住海風咁野餐都咪話唔爽！呢度仲不時會舉辦唔同活動

（圖片來源：新假期編輯部）

（圖片來源：新假期編輯部）

西九海濱長廊

地址

尖沙咀柯士甸道西與雅翔道交界

前往方法

由九龍港鐵站行到去草地需要15分鐘。

開放時間

6am-11pm

野餐好去處｜5.佐敦谷公園

好難想像喺香港嘅市中心會有咁大片草地，不過近年已經越嚟越多人識得去佐敦谷公園，假日更加逼滿咗一個個家庭，唔少父母都會帶小朋友嚟呢個草地跑跑跳跳。雖然人多咗，但係交通方便，唔少巴士都途經附近，由彩虹坐的士到佐敦谷公園，更幾乎唔駛跳錶，所以呢度依舊係記者最愛野餐地點！

（圖片來源：新假期編輯部）

佐敦谷公園

地址

觀塘新清水灣道71號

前往方法

由九龍港鐵站行到去草地需要15分鐘。

開放時間

5am-11pm

野餐好去處｜6.啟德郵輪碼頭空中花園

想找一個寧靜的地方看海，就一定要到郵輪碼頭啦！一上到頂層的空中花園，就可以飽覽270度無敵維港景，望到港島區和東九龍，還有不少綠化空間和大草地，放假來閒逛走走都十分寫意！

（圖片來源：新假期編輯部）

（圖片來源：新假期編輯部）

（圖片來源：新假期編輯部）

啟德郵輪碼頭空中花園

地址

啟德承豐道33號

前往方法

九龍灣(德福花園) 專線小巴 86

開放時間

7am-11pm

野餐好去處｜7. 梳士巴利花園！1,800平方米大草地野餐

梳士巴利花園優化完成後由康文署管理，並免費開放給公眾使用。花園內最吸引的必定是這片大草坪，可一邊野餐，一邊欣賞維港景色。

雖然這片大草坪的面積不大，但景色優美，都值得一去。（圖片來源：新假期編輯部）

以前不定時都會有藝術裝置。（圖片來源：新假期編輯部）

梳士巴利花園

地址

九龍尖沙咀梳士巴利道10號

花園開放時間

24小時

洗手間開放時間

7:30am-11pm

野餐好去處｜8. 觀塘海濱公園！飽覽維港鯉魚門海景

觀塘海濱公園一直都是繼佐敦谷後，另一個野餐熱點，除了位置都算便利外，更可以飽覽維港和鯉魚門的海景。

觀塘海濱以及對面的啟德郵輪碼頭，都是可以邊野餐邊看海的好地方。（圖片來源：新假期編輯部）

可惜記者到訪當日天陰陰，否則就可以看到藍天白雲襯托的無敵大海景。（圖片來源：新假期編輯部）

觀塘海濱公園

地址

觀塘海濱道80號

前往方法

牛頭角站B6出口，步行15分鐘

開放時間

24小時

野餐好去處｜9. 九龍灣零碳天地！野餐好地方

位於九龍灣的零碳天地，雖然地方較細又在高樓大廈中間，不過卻是較新的野餐地，人流也不算太多。

絕對稱得上係鬧市中嘅綠州！（圖片來源：新假期編輯部）

零碳天地

地址

九龍灣常悅道8號

前往方法

於九龍灣港鐵站乘MegaBox接駁巴士，零碳天地位於MegaBox對面

開放時間

7am-8pm

野餐好去處｜10. 南昌公園！位置方便

因為黃花風鈴木而聞名的南昌公園，雖然現在不是黃花風鈴木的花期，不過那幅面積高達2萬平方米的大型草坪就是野餐的好朋友。因為公園有個大型兒童遊樂場，所以週末都有不少家庭到公園野餐。

站在大道中間，很有去了外國的感覺。（圖片來源：新假期編輯部）

南昌公園是香港所有公園中算係數一數二的大草坪。（圖片來源：新假期編輯部）

南昌公園

地址

南昌站D1出口，步行10分鐘

開放時間

24小時

野餐好去處｜11. 尖沙咀海港城！露天平台鬧市中公共空間

海港城「海運觀點」露天平台有一面是增設了一塊草地開放給公眾。不過要注意的是露天平台是不可以野餐！

位於海港城商場內的草地及開放空間，可以看到無敵大海景。（圖片來源：新假期編輯部）

另一面是真草地，可以走上，還可以坐下，不過就不能野餐了。（圖片來源：新假期編輯部）

現場有兩個6,500平方呎的活動平台，其中一個為天然草坪，坐在草地上可以看到對面港島區的景色，晚上更有世界級夜景。（圖片來源：新假期編輯部）

轉一轉個頭，右手面可以看到全港最高的ICC。（圖片來源：新假期編輯部）

海港城海運大廈「海運觀點」

地址

尖沙咀海港城海運大廈

開放時間

7am-12am

新界區

野餐好去處｜12. 迪欣湖！野餐勝地

眾所周知，迪欣湖是野餐勝地，這裡有一大片草地，可以望住湖景，一邊彈結他一邊野餐，非常寫意。

（圖片來源：新假期編輯部）

迪欣湖一向是野餐熱點，環境優美，更可享受遠離煩囂之感覺。（圖片來源：新傳媒資料室）

迪欣湖

前往方法

於青嶼幹線收費廣場，乘搭迪士尼樂園R8巴士；從欣澳站步行15分鐘

開放時間

9am-7pm

全港不同地方好去處推介：

西環好去處｜中環好去處｜灣仔好去處｜尖沙咀好去處｜深水埗好去處｜沙田好去處｜大埔好去處｜西貢好去處｜屯門好去處｜元朗好去處｜荃灣好去處｜離島好去處｜錦上路好去處｜北角好去處｜炮台山好去處｜大坑好去處｜山頂好去處

更多好去處合集推介：

親子好去處｜拍拖好去處｜生日好去處｜室內好去處｜影相好去處｜野餐好去處｜行山好去處

有哪些野餐好去處交通較方便？

南昌公園、青衣公園都算是方便之選，還有更多詳情。

有哪些野餐好去處可以望到海景？

觀塘海濱公園、中山紀念公園都可以睇到海景，還有…更多詳情。